भारतको जबलपुरमा मिनीबस दुर्घटना, कुम्भ मेलाबाट फर्किएका सातको मृत्यु

Spread the love

एजेन्सी, २९ माघ, भारत । मध्यप्रदेशको जबलपुर जिल्लामा मंगलबार भएको सडक दुर्घटनामा महाकुम्भबाट फर्किएका आन्ध्र प्रदेशका सात श्रद्धालुको मृत्यु भएको छ । दुई जना घाइते भएका छन् ।

प्रहरीका अनुसार मिनी बस ट्रकसँग ठोक्किएर दुर्घटना भएको हो । जिल्लाको सिहोरा थाना क्षेत्रको मोलाबर्गी गाउँ नजिक चार लेन राजमार्गमा उक्त दुर्घटना भएको हो ।

मिनी बसमा सवार सबै यात्रु आन्ध्र प्रदेशका बासिन्दा थिए र प्रयागराजमा भएको महाकुम्भमा सहभागी भएर घर फर्किरहेका थिए ।

जबलपुरबाट कटनीतर्फ जाँदै गरेको ट्रक चालकले नियन्त्रण गुमाएपछि गलत लेनमा पसेर मिनी बससँग ठोक्किएको हो ।

दुर्घटनाको जानकारी पाएलगत्तै घटनास्थलमा पुगेको प्रहरीले क्रेनको सहायताले ट्रक हटाएर बसमा फसेका यात्रुलाई बाहिर निकालेको थियो ।

तपाईको प्रतिक्रिया दिनुहोस

About NepaliPatrika.com

View all posts by NepaliPatrika.com →

Leave a Reply

Your email address will not be published. Required fields are marked *